Araw-Araw


Prototype
Dello (feat. Jaq Dionisio)
Producer: Vertical Brew Music Inc.
2014

Verse 1:

Lunes ng umaga papuntang opisina

Habang nabibingi sa ingay ng mga busina

Sa gitna ng kalye, habang bumibiyahe

Sakto lang ang pera, pangkain, at pamasahe

Tipikal na buhay ng pinoy araw-araw

Kailangan ko itong gawin, di pwedeng ayaw-ayaw

Dahil ang bulsa ko ay di pa napapaapaw

Sana kahit paano, ako ay makahataw

Pursigidong umangat, inuunti-unti ko

Matipid na iniipon, ultimo sukli ko

Bilad na nga sa araw ang pagka-kayumanggi ko

Balat kakulay na ng tuhod ko saka ng siko

Pero tuloy sa paglayag, tuloy sa pagsagwan

Para ang bulsa saka ang aking tiyan ay malagyan

Kahit na ang aking sweldo parang mens lang

Tatlong araw lang tinatagal nito kada buwan

 

Chorus 1:

Araw-araw, paulit-ulit, hanggang sumapit ang gabi

Araw-araw, paulit ulit, bukas ay ganun muli

Araw-araw, paulit-ulit, hanggang sumapit ang gabi

Araw-araw, paulit-ulit, bukas ay ganun muli

 

Verse 2:

Pambayad ko sa upa, tubig, at kuryente

Sa ngayon tuyo na lang mabibili nung bente

Pagkasyahin kung pwede o meron natira

I-sigang ko yung tuyo, para medyo maiba

Ang pambayad ng matrikula dapat itabi ko na

Sa ganitong estado na mahirap i-manipula

Bawal ba magpahinga?

Dapat na gawin ko na

Pumasok kahit petsa

Sa kalendaryong maging pula

Kasi ay double pay, ganun pag holiday

Kayod kahit mamuti buhok na parang anime

Isipin ang ngayon, yung bukas ay saka na

Kung bukas ay lagas o baka maging sagana kaya sana

Medyo mag-iba ang kapalaran

Mapanatag ang lubak sa daang nilalakaran

Ang buhay ko ay parang libro lamang na sa bawat pahina

Paulit-ulit-ulit ang mga larawan

 

 

Repeat chorus 1

 

Bridge:

Araw-araw halos lahat ng kayod ginawa

Kung paulit-ulit ay nakakapagod din pala

Bisyo ko na yata ang palaging humiling

Mula pagsikat ng umaga, hanggang sa dumilim

Araw-araw halos lahat ng kayod ginawa

Kung paulit-ulit ay nakakapagod din pala

Bisyo ko na yata ang palaging humiling

Mula pagsikat ng umaga, hanggang sa dumilim

Pero pagsapit ng gabi, lumiliwanag nang muli

Basta ikaw ang katabi nasisilayan ang ngiti

Inaalis mo ang lungkot, ang pagod ko at pighati

Pinawi mo ng kay dali kaya...

 

Chorus 2:

Araw-araw, paulit-ulit, ngayon wala na kong paki

Bawat araw, sinusulit, basta ikaw ang katabi

Araw-araw, paulit-ulit, ngayon wala na kong paki

Bawat araw, sinusulit, basta ikaw ang katabi

Araw-araw, paulit-ulit, ngayon wala na kong paki

Bawat araw, sinusulit, basta ikaw ang katabi

Araw-araw, paulit-ulit, ngayon wala na kong paki

Bawat araw, sinusulit, basta ikaw ang katabi

SEE ALSO

Latest Article

Pre-event Review ng Zoning 14

  • By Anonymous Staff
Latest Battle Event

Gubat 10

  • 2022

OTHER LYRICS

Plazma vs Romano (Plazma's Rounds)
FlipTop: Ahon 8
Plazma
2017
Banyo Queen
Wholesome
Andrew E.
1999
SWAG6669
The Breakout Satirist LP
Calix
2016
Sayo Lamang
Evolution Mixtape
Dello
2010
Tao
Matrikula
Gloc-9 (feat. Cookie Chua of Color It Red)
2009