Intro (Droppout):
Nasan nga ba talaga ako
Nasan nga ba talaga ako
Nasan nga ba talaga ako
Verse 1 (STPHN):
Sumikat na ang araw, pag lubog ng mga bituin
Pero di natinag na masilaw kahit mata'y mapuwing
Sasagupain, kahit taliwas at salungat pa sa batas
Tama binagtas, taos sa puso kasangga mo ang nasa taas
Hakbang na delikado, matagal nang pinagisipan
Inalay oras at dugo, katas ng pinagpawisan
Pero kalmado aking buwelo kaya bangka laging yamado
Sumabak samin ng pusta nang di ka madehado
Kasi matindi di pwede humindi ayaw magsisi ng pasya sa huli
Kahit kapos sa pag-intindi sa larangan pa rin na to ang pinili
Samut sari ang dinanas na asar pangungutya
Subalit hindi ito sapat para tumigil ako sa pagkatha
Chorus (Droppout):
Nasan nga ba talaga ako
Tila ang init at napakadilim ng paligid ko
Wala akong makita dama ko lang kalansing at bayo
Tanging gabay ko lang sa paghakbang kordon nitong mikropono
At mga boses na nagmumula doon sa dulo
Verse 2 (STPHN):
Punuan sa eksena wag magalinlangan
Dapat buo loob mo nang tikas masubukan
Matira matibay daw sabi ng karamihan
Kung parte na ng buhay mo wag nang kakabahan
Tumayo na ang bata sa sariling bangko
Handang magsakripisyo para sa likhang disenyo
Gawang bantog, rekadong hinanda na masahog
Di na mapipigilan ng bagyo, kidlat, pati kulog
Tamang landas namuhunan sa lakas
Ng talino at talento pag-ibig hanggang wakas
Di na to titigil kahit maubusan pa ng oras
Mas barako nasa lasa matapang na ang katas
Repeat chorus
Verse 3 (STPHN):
Kapag narinig ang bayo sasabayan ng tono
Kakaibang gasolina ikakarga pag bitaw ko
Kapit kapatid wag mahulog sa patibong ng iba
Pero ngayon gising na ang natutulog na mantika
Di tamad at kupad doble kayod kasi isasagad
Kailangan na ata matulog na ang mata ay dilat
Sapagkat daming pangahas kaya dapat alisto
Pag dududahan huhusgahan ang iyong talino
Dapat husayan patunayan na may puwang ako sa ganitong larangan
Di mo inakala na aabot kami dito kahit na minsan nahihirapan
Lahat ng dedikasyon ko ay binubuhos ko na
Ikaw para sa nakikinig hala sige libre husga
Repeat chorus
Outro:
Mga boses na nagmumula sa dulo
Mga boses na nagmumula sa dulo
Mga boses na nagmumula sa dulo
Mga boses na nagmumula sa dulo
