Kawawang Bata


…is out there
NothingElse
Producer: Red-i
2009

Verse 1:

Kawawang bata, pinabayaan ng sariling mga magulang

Ngayon nakasilong na sa loob ng kabaong binabaon parang utang

Kawawang bata, di marunong makipag-gitgitan pag nagkakasakalan

Ngayon para na siyang abong hinangin at naglaho sa kalawakan

Dalawang pananaw kung anong gagawin sa mga sumakabilang buhay

Ito ang tunay, lahat tayo's magiging panaba lamang sa lupa para sa pagpatubo ng gulay

Walang matitira, malulusaw lahat maski kalansay

 

Chorus:

Tinatakbuhan ang bawat kahapon parang may gustong makalimutan

Hinahabol ang pagbubukang liwayway

Hinahabol ang susunod na kaarawan

Hanggang sa panimula ng bawat panibagong kabanata

Kahit anong gawing pasikot-sikot nakabuntot pa rin parang problema

Hindi matatakasan, hindi malulusutan

Kahit na ika'y tumakbo, matisod, madapa at masugatan

Ang lahat ng ma-enkwentro'y nag-iiwan ng bakas

Kahit kaila'y di mababaklas

Kahit na antayin mo pang matapos ang patalastas

 

Verse 2:

Ang batang laki sa layaw ay siguradong maliligaw

Sa umaalingawngaw na usok, masyadong mapusok

Di na nag-iisip, parating sinusunod ang puso

Minsa'y tama, kadalasa'y mali

Kapag pumalpak, ang palagi niyang sinasabi ay "di na bale, pare"

Parang walang paki-alam sa mundo kahit saan man mapadpad

Lakad lang siya ng lakad dahil walang permanenteng pugad

Dumadaloy ang dugo sa ugat palabas sa kanyang sugat

Nakasulat sa tubig ang kanyang pangarap na di na maririnig

Kawawang bata, di na mapinta ang natutumbang tindig

Kawawang bata, di man lang naranasan ang pag-ibig

Kawawang bata, sa murang edad ay nakilala ang kasakiman ng mundo

Tulad ng oras para sa sweldo at pera para sa prinsipyo

Kawawang bata, walang nagbantay walang gumabay

Mali na nga ang piniling daan, nagiba pa tinatawirang tulay

Kawawang bata, pinabayaan ng sariling mga magulang

Ngayon nakasilong na sa loob ng kabaong binabaon parang utang

 

Repeat chorus (2x)

 

Verse 3:

Ang batang laki sa loob ng palasyo ay isang kondisyong masama sa kalusugan

Dahil ang bata'y nagmimistulang pilay, parating may alalay

Di makakagalaw ng di sumisigaw para sa tulong

Kawawang bata, ang di paghihirap ang magiging ulupong

Sa buhay niya, di maaasahan, di mapagkakatiwalaan

Pupuluputan sa leeg at sususnugin sa kasinungalingan

Kawawang bata, di marunong makipag-gitgitan pag nagkakasakalan

Ngayon para na siyang abong hinangin at naglaho sa kalawakan



OTHER LYRICS

Sabi (Rough Mix)
Shall We
Kiyo
2018
Bakasyon Na Naman Tayo
Lalim At Karimlan
Dhictah x KMG
2018
Isang Jeep
Ultrasound
Loonie (feat. Hiphop22)
2013
Opening Salvo
Bayani
Blue Scholars
2007
Materyal
Materyal
Shanti Dope
2017

FEATURED ARTICLES