Verse:
Gaano kahalaga ang buhay kinilala mong makulay
Di natin namamalayang may naghihintay na hukay
Wag kampanteng silay tunay may isang traydor sa hanay
Pagkatalikod mo nasa kamay nila ang iyong bitay
Labing dalawang balang binuro
Tatlo’y tinira sa ulo
Sirkulasyon delubyo kahit kanino ay tutungo
Napilitan kang matuto nasa putik masanay
Pagsapit ng dapit-hapon may nakabulagtang patay
Sino ang salarin nabulabog ang balita
Ang nakatakip na dyaryo sa harap yun din ang makikita
May gusto mag testimonya nagpakilalang saksi
Pag pasok sa eskinita may saksak na sumalisi
Naka piring ang mata ng pobreng napag bintangan
Nang siyang may sala lumalamay tila walang kinalaman
Sabay abot nang ebidensya sa naka asul na uniporme
Kapalit ng sobre patunay na napaka kipot nang mundo
Marahan ang takbo suspektado ang sanggano na naka buntot sayo
Alam ang impormasyon at buong pangalan mo
Wala nang titibok sayong dibdib sa pagitan ng ilang segundo
Kaunting pintig
Naka reserba sa pulso nakalaan sa pag hinga
Panaghoy mo ng saklolo
Maswerte ka at ikaw ay nag iisa kayakapan nang mahigpit ang mas nauna
Kasi sa panahong ito tao na ang nagdidikta
Hanggang kailan at kung ilang beses ka nalang hihinga
Mahuhulaan mo pa ba ang salarin sa kanila
Ang hustisya ay may bulsa kaya namamanipula
Bigo nang madurog ang takot sa loob
Ng mapanganib na sulok
Bulok ang puod aking nakikita sa trono mga hayok na hayok
Itikom ang bibig at baka ikaw ang isunod
