Album

Mula Sa Kailaliman


Loob Ng Kabaong
Apoc
Producer: Apoc
2017

Chorus:

Mula sa kailaliman kaya sagrado ang tula

Mula sa kailaliman kaya masahol ang dura

Mula sa kailaliman ang lahat to nagmula

Kaya sa kailaliman din matatapos ang dula

 

Verse 1:

Mula sa kailaliman kadiliman ang tanawin

Kung saan apoy at usok ang tinuturing sariwang hangin

Samutsaring elemento dito napagsasalin

Ng mga tagapag-Panday ng mga ginintuan na awit

Busilak na hangarin, nakakahiwa na dila

Diniligan tigang na lupa gamit bisa ng wika

Sa pagbunga ng adhika binalita sa Maynila

At nakalaya sa pagkaalila ang mga ligaw ang diwa

Ngunit may mga mahinang kundisyon ay kritikal

Nalason sa pagkonsumo ng produktong artipisyal

Tinuring ang lirikal na para bang kriminal

Manatili kang mangmang at ako’y tulo’y sa pagigimbal

Nakapulot ka ng hiyas sa kalsadang baliko

Sa paglipas ng panahon, nakitang kumupas lang ito

Kung palaisipan sa iyo kung bakit ka nabigo

Sa ilalim mo lang makikita ang tunay na ginto

 

Repeat chorus (2x)

 

Verse 2:

Tagisan ng husay, kiskisan ng sungay

Bitbit ko ang bandera namin hanggang sa aking hukay

Pagka’t higit pa ‘to sa sining o musikang makulay

Para sa mga tunay, ito’y paraan ng pamumuhay

Hahandusay mga bwitreng sa kornalina sumamba

Nakiani sa aming tanim na wala man lang pangamba

Pugot ulo sabay tuhog sa sibat ko na dala

Iwagayway ito sa rurok bilang babala

Mas malala ang pagsugal ng ilang mga kapatid

Na sumayaw sa tunog na dinikta ng mga matsing

Lasapin ang mabagsik na pag-ganti kong malagim

Pag ginilitan kita ng leeg gamit kinapitan mong patalim

Sa dwelo ng galing, malalagas ang angas

Ng mga haring impostor sa pangharabas ng mananabas

Tunay na karakas ay tatagas nang tatagas

Ako’y espada. kayo’y karayom. Magkaiba tayo ng talas

Sukat ang sirkumperensya ng aking nilalakaran

Bawat anggulo sa dayagolo ay aking pinagaralan

Mananatili sa ilalim hanggang sa aking kamatayan

Namamatay ang sundalo pero hindi ang pinaglalaban

(Namamatay ang sundalo pero hindi ang pinaglalaban)

 

Repeat chorus (2x)



OTHER LYRICS

Re-Up

DU4LI7Y
Ez Mil
2022 Album

Wag Ako

Wag Ako
Asser
2014 Single

I KNOW (feat. Mcee Zabala)

PAUTANG NG PAG-IBIG
Hev Abi
2022 Album

Mabuti Nalang (feat. JayR)

Rebirth
Salbakuta
2014 Album

Gusto Mong Yumaman?

Gusto Mong Yumaman?
Mike Swift
2013 Single

FEATURED ARTICLES