Album

Taong Mesiyas


Loob Ng Kabaong
Apoc
Producer: Apoc
2017

Verse 1:

Kumusta na? Matagal na tayong di nag-usap

Alam ko na pag-ibig mo sa akin di masukat

May mga anomalya lang na aking ikinagulat

Pagkatapos magsuri at kasaysayan hinalukat

Una sa lahat nabuhay ka ba talaga

Walang pisikal na patunay kaya nakakapagtaka

Wala yung krus,  damit, o bangkay na nabulok

Sumalangit pati katawan? Yan ay maginhawang palusot

At bat ako maniniwala sa banal na kasulatan

Kung lahat ng may akda ay mga tao lang naman

Na tulad ko, kaya bakit ko pa babsahin yan

Ni wala ka ngang sarili na librong kasama diyan

Di ako namimilospo o nanggagago

Pansin ko lang naman kasi ang bibliya’y palyado

Salita ba ‘to ng diyos o salita ng  tao

Pakisagot naman at magkaliwanagan tayo

 

Chorus (2x):

Pasensya na kung ako’y nagmamatigas

Ang pagiging mapanuri, sa akin ay likas

Sa banta ng impyerno, sino sakin magliligtas

Mesiyas ba ng tao o taong anyong mesiyas

 

Verse 2:

Nilikha ng diyos ayon sa kayang pagkatulad at larawan

Ibig sabihin nun ang diyos ama’y makasalanan

At sinong sabog ang nagsulat tungkol sa pag-gawa

Ng mundo kung ang tanging saksi ay ang diyos ama

Kung anong laman ng biblia, katotohanan yan

Di dapat ako magduda kaya magtiwala lang

At kung hindi, impyerno ang kababagsakan ko

At kung mangyari yon, mahal mo pa rin ako

Umanib nalang kaya sa mga Iglesiang talamak

Kaso sino ang pantas at sino ang tanyag

Lahat sila proklamado? Hindi ko yan tanggap

Isa lang dapat ang tunay pero tunay silang lahat

Iba’t ibang doktrina ang hatid ng mga ito

Iba’t ibang interpretasyon kaya naman nakakalito

Sila-sila ang nagtatalo kung sino ang balido

Eh ang basehan lang naman ay iisang libro

 

Repeat chorus

 

Verse 3:

Sino nagsabing meron akong mahahagkan

Na paraiso kapag pumanaw na ang laman

At sino nagsabi na totoo ang mga yan

Ayon sa kasaysayan, hindi ba tao lang naman

Kwento mo pinagpasahan ng daang-daang taon

Pero walang lehitimong patunay hanggang sa ngayon

O ano? Aking lohika hindi mo matibag

Kaya hindi ka diyos, ika’y alternatibong realidad

Ang pagiging mapanuri - makasalanan ba

Eh mas kasalanan sakin ang bulag na pagsamba

Kasi pano lang na hindi totoong nandiyan ka

Habang buhay akong mananampalataya sa wala?

Aking mga paratang - sana nga mali to

Kasi sino ba naman ang aayaw sa paraiso

Kaso mukhang hindi kasi matagal na ‘kong namulat

Sa dami kong sinabi, wala pala ‘kong kausap

 

Outro:

Oo, wala akong kausap

Mukhang tanga lang

Tang ina



OTHER LYRICS

Wvlvng Bvgx (feat. Calix)

Kvpxt Lvng Zv Pvtvlxm EP
Ce$ar Montana
2017 Album

No Sleep (feat. Simian)

Failing Forward
Curtismith
2016 Album

Ano Na?

Ano Na?
Calvin, Kiyo
2018 Single

Funky Monkey

FreeMan
Francis M.
1995 Album

Bar Rebelde

Bar Rebelde
Baryo Berde
2017 Single

FEATURED ARTICLES