Album

Mundo Mo, Mundo Ko


Loob Ng Kabaong
Apoc
Producer: Apoc
2017

Chorus (2x):

Ako ang mundo mo

Ikaw ang mundo ko

Bawat pintig ng puso mo ako ang sumisimbulo

Pagka’t ako ang mundo mo sa ayaw man o gusto mo

 

Verse 1:

Naaalala pa kita

Bente uno anyos na  ina sa batang edad lima

At kahit na ang ‘yong asawa’y nasa piling na ng iba

Pilit mong itinaguyod ang iyong anak na mag-isa

Palagi ka na balisa mula nang ika’y naiwan

Kaya sa hirap ng buhay, ako’y naging sandigan

Lahat ng ‘yong pasan-pasan, nagawa kong angkinin

Kaya naman ika’y nagkaroon sakin ng pagtingin

Subalit, marami ang tumutol sa hangarin

Kaya aking imahe pinilit nilang basagin

Kalimutan mo na raw ang pag ibig mo sa akin

At simpleng buhay na lamang ang dapat mong hanapin

Sapakat marami na raw akong relasyon na nawasak

At masamang impluwensya pa at marami ng napahahamak

Ang tunay daw na ligaya ay di sakin mahahanap

Kaya pag-ibig mo sakin ay  hindi raw nararapat

At ang sabi mo, mahal ko siya, huwag kayong mangialam

At isa pa, nung nangailangan kayo, sino palagi nandiyan

Nung sikmura niyo’y nagsikalam, at nagsimaan ang pakiramdam

Sino ba yung handa tumulong? Hindi ba’t siya rin naman?

Daming hadlang pero ika’y walang pake

Pagka’t ang tibay ng pag-ibig mo sa akin ay mala tangke

At kahit wala kang maipagmamalaki

Ang mahalaga sayo ako’y kasama na kasi

 

Repeat chorus (2x)

 

Verse 2:

Dating mundo ating lisanin na

Bagong yugto, sulatan na ang bagong pahina

Hinaharap  di mapinta, kaya kapit lang sa pagsinta

Hanggang pag-ibig mo sa akin ay lumalim na

Pagka’t sa mag-ina akong tumayong ama na bago

At dahil sa akin may laman palagi ang plato

Aking natustusan ang pag-aaral ng anak mo

At nakapagpatayo ng bahay na sobrang magarbo

Sabay tumulo ang mga luha mo

Sabi mo salamat at sa akin, ikaw ang sumalo

Sa mundong salbahe ika’y nagsilbing lunas ko

Kung wala ka, sigurado patapon ang  buhay ko

Ngunit isang gabi, habang tayo’y naglalakad

Hindi pansin na sa dilim meron palang nagmamatiyag

Mula sa likod, may humablot ng ‘yong dala na bag

Isa palang mandurukot na bigla naming nakaharap

Ika’y pumalag at nilabanan mo ang mama

Muling Nabawi ang bag, at tayo ay rumatsada

Sabay may pumutok (blam), ako ay naalarma

At nakita na lang kita na bumagsak ka sa kalsada

Dinampot ng mandurukot ang ‘yong bag na nakahilata

Hinalukay para sa inaasam na gantimpala

Sabay kanyang mukha ay nagumapaw sa ligaya

Pagkat ako’y kanyang natagpuan sayong pitaka

Mga mukhang nakaimprenta sa papel na katawan ko

Si Ninoy, Quezon, at Osmena ang katumbas na halaga ko

At ako’y kanyang dinukot at binilang patago

Sabay ako’y kanyang ibinulsa at lumakad palayo

 

Repeat chorus (2x)



OTHER LYRICS

Paglisan (feat. Yumi)

Paglisan
Flict-G
2014 Single

Hayop (feat. DJ Supreme Fist)

Illustrado
Illustrado
2017 Album

Masama Yan

G9
Gloc-9
2003 Album

Get 2 Know You (feat. Keith Martin)

Ako Si…
Gloc-9
2005 Album

Lights

Lights
Migo Senires
2014 Single

FEATURED ARTICLES