Single

Lagpasan


Lagpasan
Mhot
2013

Verse 1:

Parang gulong nga lang ang buhay tuwing nasa ilalim ka

Emosyo’y nanggagaling sa pait ng hirap at timpla

Ika’y paiiyakin pa, tulog ng may iniinda

Gutom ay isasabay nalang sa pagpapahinga

Mapa-isip lang, iiyak kang parang inaapi

Ngunit muta nalang bukas ang luha mo kagabi

Ang paggising ay bagong hamon sa loob ng maghapon

May gawaing patong-patong muna bago makalamon

Kung anong tiis kahapon ay ganun pa rin sa bagong

Parating mo na araw damputin pa rin ang tapon

Sa hirap na lumalason ay tila nakakalong

At mas lalong lumabong makabangon pagkat masyadong

Dumadami na kaming mga may iisang daing

Natutulog sa sahig at di malinis na sapin

Ngunit hindi nag-alinlangan adhikain ay ilaban

Nagpatuloy mangarap sa kabila ng kahirapan

 

Chorus (2x):

Tumayo ka sa higaan ang alas mo’y kasipagan

Ang higante mong kalaban ay sariling kahirapan

Kabila ang mga hamong di mo pwedeng pangilagan

Kailangang pag-aralang lagpasan ang kahinaan

 

Verse 2:

Nung natila di titila ‘sang bagay pakikita

Sa pagpapakatibay, humihina’y bibihira

Puro hanap pakinabang lang sa mga nasisira

Umaasa sa bihirang matira ng masisiba

Makikita sa mata ko na ang maging sagana

Ay mithi kong parang buhat nalang ng salitang sana

Ngiti ng batang kapatid mo ang siyang pampagana

At tagapag-paalala ng panatang mag-tiyaga pa

Kahit sawa ka na sa pagtiis ng kawalan ng laman tiyan

Mabilis ang pagnipis ng katawan

Puro hirap nga naman pero imbis na mawalan

Ng pag-asa’y mas nagbuwis pa ng pawis at lakas ng kalamnan

At lahat ng bigat na buhat ay nagtatagal

Ang puhunan ay tiyagang kasama ng pagdarasal

Dahil  sa likod ng aking pagkahikahos

Ay mayroon akong paniniwalang di tulog ang diyos

 

Repeat hook

 

Verse 3:

Trabaho, masyado nang hadlang sa pagtaba mo

Ngunit ang tanong paano ka na pag nagpatalo ka sa pagod?

Kada sahod problemado pa sa plano

Sa dami ng kailangan ay kakasya pa kaya to?

Kaya dapat magtiis, konting tiris lamang sa ulam

Kailangang magtipid at magsilid ng tira upang

Bukas ay may makukuhang dagdag kapag nagkulang

Ang pagkain namin kadalasa’y galling lang sa utang

Gusto kong maging doctor upang matulungan

Ang ngayo’y unti-unting nagkakasakit kong magulang

Gusto kong maging guro upang maturuan

Mga kapatid kong di pinagsawaang kaharutan

Kahit may kalabuan sige lang at sasabay

Daig pang magpulot ng kalat ng di gamit ang kamay

Pero di bale na pinanganak naman akong sanay

Mabuti nang lumaban bago pa tuluyang mamatay

 

Repeat hook (4x)



Mhot - Lagpasan (2013):

SEE ALSO

OTHER LYRICS

Blink

Blue Scholars
Blue Scholars
2004 Album

Tissue

Talumpati
Gloc-9
2011 Album

Panawagan

Panawagan
STPHN
2016 Single

Rapture

DU4LI7Y
Ez Mil
2022 Album

Tinta

Matrikula
Gloc-9
2009 Album

FEATURED ARTICLES