Album

Lando (feat. Francis M.)


Diploma
Gloc-9
Producer: Rudy Tee
2007

Chorus (Francis M.):

Huwag kang mabahala may nagbabantay sa dilim

Nakaabang sa sulok at may hawak na patalim

Di ka hahayaan na muli pang masaktan

Wag ka nang matakot sa dilim

 

Verse 1 (Gloc 9):

Ito ay kwentong hango na galing sa dalawang taong

Nagmamahalan ng tunay ang ngala'y Elsa at Lando

At kahit parang pagkakataon ay nakakandado

Dahil magkalayo ang uri ng buhay ang estado

Ng buhay ni Lando ay di nalalayo sa marami

Sinunog ng araw ang kulay ng balat at marami

Nang galon ng pawis ang kanyang naidilig sa lupa

Upang ang gutom ay di na masuklian pa ng luha

Habang ang babaeng kanyang minamahal ay sagana

Ngunit kabilang sa pamilya na di alintanang

Makipagkapwa-tao sa mga tulad niyang dukha

Gayon pa ma'y patuloy ang pagmamahal na pinunla ng pag-ibig

 

Repeat chorus

 

Verse 2 (Gloc 9):

Kahit na ano mang bagay ang pilit na ihadlang

At sino man ay walang makakapigil sa paghakbang

Ng mga paa na ang nais ay marating ang ligaya

Niyayang magtanan di nag-atubili na sumama

Hawak ang pangarap at pangako sa isa't isa

Nagpakalayo-layo di namuhay na may kaba

Dahil alam nila na sa bawat isa'y nakalaan

At ang pagmamahalan tangi nilang sinasandalan

Wala ng ibang bagay pa silang mahihiling

Kundi isang pamilya sa loob ng apat na dingding

At isang bubong na maaaring tawaging tahanan

Bakit may pangit na kabanatang kailangang daanan pa?

 

Repeat chorus

 

 Verse 3 (Gloc 9):

Isang gabi na Huwebes, lumubog na ang araw

Doon tayo magkita pasalubong ko'y siopao

Upang ating paghatian pagdating ng hapunan

Meron palang nakaabang sa amin na kamalasan

Eskinita sa Ermita, may sumaksak kay Elsa

Sa tagiliran, isang makalawang na lanseta

Ang gamit upang makuha lang ang kanyang pitaka

Kami'y mahirap lamang bakit di na siya naawa

Hindi ko naabutang buhay ang aking mahal

At hanggang sa huling hantungan ay nagdarasal

Bakit po bakit po ang laging lumalabas

Sa 'king bibig palabuy-laboy ni walang landas

Akong sinusunod baliw sa mata ng marami

Siguro nga di ko na kilala aking sarili

Pangala'y taong grasa may patalim na gamit

At ang tanging alam ay isang malungkot na awit

At ang sabi…

 

Chorus (Francis M.):

Wag kang mabahala may nagbabantay sa dilim

Nakaabang sa sulok at may hawak na patalim

Di ka hahayaan na muli pang masaktan

Wag ka nang matakot sa dilim

Wag ka nang matakot sa dilim



OTHER LYRICS

Hussein

Cinémetropolis
Blue Scholars
2011 Album

Pasakalye Ng Pangarap

Matrikula
Gloc-9
2009 Album

Bolang Kristal (feat. KZ Tandingan)

Abra
Abra
2014 Album

Cruz

OOF! EP
Blue Scholars
2009 Album

De Kwatro Shake

Chillin' Credit Mixtape
Ives Presko
2013 Album

FEATURED ARTICLES