Hook (2x):
Hoy!
Itaas ang mga kamay!
Heto na ang matagal ninyong hinihintay!
Nababagabag, napakabagal ng pag-angat
Hayaan mong awiting 'to ang magsilbing hudyat!
Verse 1:
Inaakala mo na sayo'y papalapit
Napakalayo't di pa pala makakamit
Simot na ang pasensya lalo't ika'y said
May pagkukulang ba o sadyang pinagkakait?
Ito ang pangamba sa sarili ko noon, bagsak ko ay mamalimos kapag nagkataon
Isinugal lahat mabuhos lang ang emosyon
Bawat baryang i-alay mo ngayon sukli'y inspirasyon
Hindi 'to pinaghirapan lang nang magdamag
Kahit sa pagtulog patuloy na nagsusulat
Sa pagsampal ng pangarap ay ang syang pagbuklat
Sa librong nililimbag laman ay aking alamat
Repeat hook
Verse 2:
Hindi bale, kung sa pagtitipon ay hindi ka sinali
Kanilang pinagmamalaki pag-igihan mong ikaw ang makadale
Higitan ang kaalaman maging bihasa sa pag-atake
Hanggang sarili mo nalang may kakayahang sa iyo'y maka-mate
Binabale madalas ng takot at s'yang naghahari
Ayan ay ilusyong hindi dapat maging dominante
Kung ang nasa paligid nagsasabing walang mangyayari
Ikaw ang mag-akay upang pananaw nila'y mag-iba ng byahe
Kumpare, istorya mo'y wag lagyan ng tuldok
Kung ang nagbabasa minsan ay di ka maarok
Proseso'y hindi madali, di libre ang sagot
Ang pagsusulit ng buhay wala hanggang tanong
Repeat hook
