Verse 1:
Sa panahong nagkalat ang mga motibasyon
Ay pagkakataong magkaron ka ng direksyon
Nang 'di nangangapa, may samu't-sari kang gabay
Silang patunay na may premyo ang naghihintay
Nakalatag ang proseso, hindi sikreto
Isang layunin, magkakaiba man ang konteksto
Mga tropeyong naghikayat at nag inspira
Sa 'yong potensyal datirati'y di napupuna
Mabuti ang hatid, tagumpay ay inaasahan
Ugat ng pagiging aktibo't, ayaw magpaiwan.
Ngunit may bagay na laging nakakaligtaan
Bawat isa ay may nakatakda nang puntahan.
Hook (2x):
Sawa ka nang nasa gilid
Kumalas sa pagka ipit
Nagsimula nang managinip
Ngunit huwag na huwag mong ipipilit
Verse 2:
Sinunod mong 'di tumigil at magsipag
Primera na sangkap nang makasunod sa yapak
Bingi-bingihan sa mga duwag, naging matapang ka
Pagpapatuloy mo ang simbolo ng pagpalag
Kaso kahit anong subok ng pusong mapusok
Hindi mo maabot ang kahalintulad ng rurok
Walang pake alam sa kung ano ang meron ka
Pagkat nabitag na sa patibong ng pagkukumpara
Kaya't prumeno ka, mag hunos-dili
Di masisinagan kung mananatili ka sa lilim
Sating kapalaran ay walang eksperto
Tuklasin mo ang sarili mong kwento
Repeat hook
Bridge:
At kung sawa ka na talaga
Kung sawa ka na talaga
Piliin mong maging masaya
Hindi ang habulin siya
At kung sawa ka na talaga
Kung sawa ka na talaga
Piliin mong maging masaya
Hindi ang habulin siya
Repeat hook
