Chorus (2x):
Mama para dyan na lamang po ako sa may tabi
Bababa na po ako eto po ang bayad ko
Verse 1:
Si Mang Berto na sumakay sa may kanto
Atin nang simula ng mga kwento
May kaisa isang anak na babae
Ngalan ay Luisa isang estudyante
Ang pag-aaral iginagapang
Upang kahirapan ay matakasan
Isang gabi ng Marso bandang alas otso
Maagang umuwi ng bahay si Mang Berto
May dalang supot ng pansit at mamon
Maligaya kahit sa bihirang pagkakataon
Bukas ay magtatapos na sa kursong kinuha
Ang kanyang pinakamamahal na si Luisa
Dapat sana'y meron na silang patutunguhan
Ngunit sadya bang may sumpa itong ating lipunan
Dahil natagpuang patay sa ilalim ng tulay
Pangarap ni Luisa ay inanod lang na kasabay
Repeat chorus
Verse 2:
Pagdaan sa may Quezon Avenue
Sumakay naman si ate Marilou
Bente kwatro anyos walang natapos
Ang anak ay nasa ICU
Pag patak ng alas onse naka-kolorete
Siya'y nasa tabi at pumapara ng kotse
Kahit dos bente kanyang papatulan
Pambili ng gamot Para malunasan
Kahit isang araw lang buhay ng kanyang anak ay madugtungan
Bukas ng gabi naman may ilang buwan na ring kanyang ginagawa walang matagpuan
Walang siyang magawa, bakas sa mukha lahat ng pait ngunit
Sanggol niya'y walang kapalit
Kahit alam nyang siya'y nahawa ng sakit
Para sa kanyang anak gagawin nang papikit
Repeat chorus
Verse 3:
May isang batang nakasabit sa istribo
Anim na taon ang pangalan ay Benito
Maghapon magdamag siyang nagtratrabaho
Punas ng sapatos at bote dyaryo
Para may makain ang tatlong kapatid
Lima, apat, dalawang taon, isang batang paslit
Pa lamang ay naatang na sa kanyang balikat
Responsibilidad iniwan ng ama'y nalipat
Nang ipinasok sa kulungan ang ina sila'y iniwan
Sinubukan niyang pigilan ngunit siya'y pinagtulakan
Hanggang sa nagkasakit ang bunsong kapatid
At sa isang kariton ang hininga'y napatid
Ngayon ay di nabatid kung ano ang siyang hatid
Ang bukas para kay benito na tila parang manhid
Na sa hapdi na dulot ng mga pangyayari
Sumisinghot ng rugby bumaba sa may Malate
Repeat chorus
Outro (2x):
Kahit na ano mang hirap ang sa ati'y dumating
Tumawag lang kay mamang driver tayo'y makakarating
